YLLI - BOREA
BOROZANI / A.P
Ylli mposht Borean, sytë te Kerasani - Peja
21 April, 2018 @20:41
Në përballjen e vetme të ditës në Superligë, Ylli ka shënuar fitore të lehtë ndaj Boreas në Suharekë.
Skuadra therandase e dominoi gjithë takimin, ndërsa rezultati përfundimtar i ndeshjes ishte 129-67.
Më i dalluari te Ylli sonte ishte Marvin Smith me 27 pikë, 10 kërcime e 2 asistime, derisa te Borea u veçua CJ Carter me 31 pikë, 2 kërcime e 6 asistime.
Siç dihet, kjo ishte ndeshja e fundit e sezonit të rregullt, ndërsa në Play Off skuadra e Yllit do të përballet me Prishtinën.
Sa i përket Boreas, gjithçka varet nga rezultati ndërmjet Kerasanit dhe Pejës nesër. Nëse Peja fiton, Boreas i duhet të luajë në barazh, kurse nëse Peja mposhtet, Borea e siguron automatikisht mbijetesën në Superligë pa pasur nevojë të luajë në barazh.
