FITON ORGANIZIMIN
Ylli organizon Final 8 të Kupës
Teksti: FBK
18 January, 2018 @14:50
Bordi i Federatës së Basketbollit të Kosovës (FBK) të enjten ka marr vendim që Final 8 i Kupës së Kosovës të organizohet në Suharekë nga klubi i basketbollit Golden Eagle Ylli.
Në konkursin e hapur nga FBK prej 29 dhjetor 2017 deri më 9 janar 2018 për organizimin e Final 8 të Kupës së Kosovës, kanë konkurruar KB Sigal Prishtina dhe KB Golden Eagle Ylli për të qenë organizatore të këtij eventi.
Ndërkaq KB Golden Eagle Ylli i ka plotësuar të gjitha kushtet në bazë të konkursit dhe Udhëzuesit për organizimin e Final 8 të Kupës së Kosovës.
FINALJA MË 4 MARS
Final 8 i Kupës së Kosovës do të zhvillohet prej 28 shkurt deri më 4 mars.
Më 28 shkurt dhe 1 mars do të luhen ndeshjet çerekfinale, kurse më 2 mars ato gjysmëfinale, si dhe finalet në të dyja konkurrencat do të zhvillohen më 4 mars.
Detajet e tjera rreth organizimit të këtij eventi do të bëhen të ditura javën e ardhshme, kur edhe pritet të nënshkruhet kontrata në mes FBK-së dhe KB Golden Eagle Ylli dhe me ç’rast do të organizohet edhe konferenca e parë për media.
Fituese të Kupës së Kosovës për edicionin e kaluar janë Sigal Prishtina te meshkujt dhe Pro Bet Prishtina te femrat.
