ZALGIRIS KAUNAS - OLYMPIACOS
FOTO/ euroleague
Zalgiris fiton në derbin e mbrëmjes
6 December, 2018 @21:49
Skuadra lituaneze, Zalgiris ka arritur që të mposhtë Olympiacosin në kryendeshjen e mbrëmjes me rezultat 83-75.
Basketbollistet e Jasikevicius çerekun e parë e humbën me dhjetë pikë disavantazh, por gradualisht e rikthyen rezultatin dhe fituan me shtatë pikë epërsi skuadrën greke.
Koshashënuesit më të mirë te vendasit ishin Marius Grigonis me 19 pikë dhe Nate Wolters me 14 pikë, 7 kërcime dhe 6 asistime, derisa te grekët të vetmit me pikë dyshifrore ishin Georgios Printezis me 18 pikë dhe Zach LeDay me 15 pikë.
Kjo ishte fitorja e pestë e Zalgirisit krahas gjashtë humbjeve që i kanë dhe gjenden në pozitën e nëntë , ndërsa Olimpiacosi është në pozitën e pestë me gjashtë fitore e pesë humbje.
