EUROLEAGUE / PLAY OFF
Zeniti befason Barcelonën, rrëmben fitoren
21 April, 2021 @23:11
Skuadra e Zenitit e befasoi Barcelonën, duke e mposhtur me rezultat 74-76, në ndeshjen e parë të Play Offit në Euroleague.
Heroi i natës ishte lojtari Kevin Pangos, që shënoi për epërsinë e skuadrës ruse, derisa nuk mjaftoi përpjekja e Cory Higgins që tentoi nga vija e treshit në 2 sekonda para përfundimit të ndeshjet.
Pangos ishte koshashënuesi më i mirë te Zeniti me 19 pikë, derisa u ndihmua edhe nga Will Thomas me 12 pikë e KC Rivers me 11 pikë të tjera.
Te Barcelona u veçuan Brandon Davis me 18 pikë dhe Cory Higgins me 15 pikë.
Ndeshja e dytë e serisë do të luhët më 23 prill.
