GAME 2: BASHKIMI - YLLI
GoldenEagle Ylli s’dorëzohet, vendimtarja në Suharekë
20 April, 2021 @21:56
Golden Eagle Ylli e mposhti Bashkimin në ndeshjen e dytë çerekfinale me rezultat 76-89 dhe e barazoi serinë në 1-1.
Skuadra suharekase, ishte ndryshe nga ndeshja e parë. Në ndeshjen e dytë kërkoi më shumë fitoren dhe e arriti duke mos e lëshuar epërsinë në asnjë moment.
LG Gill me 27 pikë ishte koshashënuesi më i mirë te Ylli, derisa Valon Bunjaku shhkëlqeu ndaj ish-skuadrës së tij me shifrat magjike triple-double prej 20 pikëve, 12 kërcimeve e 11 asistimeve.
Te Bashkimi u veçuan Musab Mala me 31 pikë e 5 asistime dhe Obinna Oleka me 20 pikë e 15 kërcime, por nuk mjaftoi për fitore.
Seria është barazuar në 1-1. Gjithçka do të vendoset në ndeshjen e tretë që do të luhet në Suharekë, derisa fituesi do të përballet me Rahovecin në gjysmëfinale.
