BESA
3 miqësore në Bosnje
28 June, 2014 @13:03
Skuadra e Besës gjatë muajit shtator do të udhëtojë në Bosnje për t’i zhvilluar 3 ndeshje miqësore atje. Kështu ka bërë të ditur faqja zyrtare e klubit në Facebook.
“Skuadra jonë KB Besa gjatë muajit shtator do të udhëtojë në Bosnje për të kaluar fazën e fundit të përgatitjeve dhe do t’i zhvillojë 3 ndeshje miqësore me top ekipet elitare boshnjake. Emrat e ekipeve shumë shpejtë do t’i bëjmë të ditura që tashmë veç janë aranzhuar,” thuhet në njoftimin e klubit pejan.
Besa në stinorin debutues në Superligë arriti të përfundojë në pozitën e gjashtë me 38 pikë të tubuara, duke treguar lojëra të bukura me një përbërje kryesisht me basketbollistë të rinj.
