JAMES
LeBron i hapur ndaj ofertave
25 June, 2014 @11:48
Super ylli i Miami Heatit, LeBron James, mori një vendim tepër të rëndësishëm, që zgjoi nga gjumi skuadrat e NBA-së.
King James, në kontratën e tij, e kishte një opcion për ta vazhduar edhe dy vjet me skuadrën aktuale Miamin, por ai vendosi që të bëhet lojtar i lirë.
Por ky vendim i 29 vjeçarit, nuk do të thotë se do të largohet definitivisht nga Heat, mirëpo krijoi hapësirë për skuadrat që dëshirojnë ta shtojnë lojtarin në skuadër.
Në rast se, LeBroni mbetet tek Miami Heat, për 5 vitet e ardhshme do të fitojë afro 130 milion dollarë, ndërsa nëse nënshkruan me ndonjë skuadër tjetër, atëherë ai do të fitojë maksimum 97 milion dollarë.
Për Jamesin, të interesuara janë këto skuadra: Houston Rockets, Chicago Bulls, Los Angeles Lakers, Los Angeles Clippers, Dallas Mavericks dhe ish skuadra e tij Cleveland Cavaliers.
LeBron James, stinorin 2013/14 e përfundoi me mesatare prej 27.1 pikëve, 6.9 kërcimeve e 6.3 asistimeve.
