TURQI
Efes me super përforcime
26 June, 2014 @15:17
Skuadra turke, Anadolu Efes, ka nisur fuqishëm përforcimet e saja para stinorit të ri basketbollistik 2014/15.
E urritur për suksese, skuadra që arriti sukseset e para të basketbollit turk në Euroleague në dekadat e kaluara, ka përforcuar radhët e saja me trajnerin e mirënjohur serb, Dusan Ivkovic, pastaj supertalentin kroat, Dario Saric si dhe dyshen Stephane Lasme e Stratos Perperoglou.
Sot, klubi turk ka bërë edhe një goditje duke e sjellë ish NBA lojtarin, Nenad Krstic, që ka përvojë të jashtëzakonshme në Euroleague me CSKA Moskën.
Me këto transferime, duket se ekipi turk ka nisur të kërkojë fuqishëm famën e dekadave të shkuara kur ka qenë fjala kryesore e basketbollit turk si në Europë ashtu edhe në vend.
