FINALS: ISTOGU - DRITA
7 stinorë pas përjashtimit, inkuadrohen në Superligë
22 April, 2021 @18:37
Skuadra e Dritës duke e mposhtur Istogun edhe në ndeshjen e dytë, shpallet kampione e Ligës së Parë, dhe u inkuadrua në Superligë për stinorin 2021/22.
Drita triumfoi me rezultat 64-84, derisa e kaloi një pjesë të dytë të lehtë.
Xzavier Barmore me 24 pikë, 6 kërcime e 5 asistime ishte më i miri te Drita, kurse u ndihmua edhe nga Arian Memeti me 20 pikë, 14 kërcime e 4 asistime.
Te Istogu u veçuan Diamant Shabani me 14 pikë e 16 asistime dhe Ardit Pepaj me 13 pikë.
Drita për herë të fundit në Superligë ishte në stinorin 2013/14 dhe e kishte përfunduar në pozitën e pestë, kurse është përjashtuar nga Superliga në sezonin 2014/15 për shkak të mos përmbushjes së kritereve për pjesmarrje në Superligë, derisa në atë sezonë ishte inkuadruar skuadra e Yllit.
