Selmanaj: U befasova nga këto statistika

Pas lajmit të publikuar më parë për super-statistikat e Halim Selmanajt në kuadër të garave evropiane, lojtari në fjalë foli ekskluzivisht për Borozani.com.

I pyetur se a është i befasuar nga këto statistika, të cilat e rendisin atë para lojtarëve si Kylian Mbappe e Robert Lewandowski në listën e publikuar nga faqja zyrtare e UEFAs, Selmanaj u përgjigj:

“Isha në dijeni që jam golashënuesi më i mirë në kuadër të UEFA Futsal Cup, por për këto statistika u befasova.

Normalisht që ndihem mirë, pasi që për një popull të vogël sikur ne, nuk mendoj që ky është sukses i vogël. Ky sukses padyshim që është edhe meritë e shokëve të skuadrës dhe jo vetëm e imja.”

TABELA FUTSALL SUPERLIGA

Përveç deklaratës sa i përket statistikave, Selmanaj për Borozani.com shtoi:

“Shpresoj që edhe sivjet ta arrijmë qëllimin dhe të shpallemi kampion me Liburnin, e më pas ta përfaqësojmë Kosovën edhe më mirë se këtë vit në garat evropiane.”