Abukar, lojtar i ndeshjes ndaj Energias

Fitorja e madhe e Sigal Prishtinës ndaj Energias të martën mbrëma i ka dhënë një shtytje të madhe ekipit bardhekaltër për të shpresuar në kualifikimin nga Grupi K. 

Ndërsa, si arsye e fitores faqja zyrtare e FIBA-së ka komentuar të jenë treshet e dështuara të ekipit rumun, edhepse as Sigal Prishtina nuk ishte e mirë në këtë aspekt. 

Kurse në sektorin për heroin e ndeshjes ka zënë vend basketbollisti amerikan i Sigal Prishtinës, Mohamed Abukar, që ka qenë i vetmi në ekip me pikë dyshifrore të shënuara, 19. Abukar ka përfunduar ndeshjen edhe me 2 asistime dhe 2 kërcime dhe 1 top të vjedhur në 30 minuta sa ka qenë në parket. 

Abukar bashkë me Khalid El Aminin, kanë qenë lojtarët e vetëm të Sigal Prishtinës që kanë arritur të shënojnë nga një tresh në lojë, duke llogaritur në 19 tentime të tërë ekipit.