BASHKIMI (F)
Aisha Balarabe largohet nga Bashkimi
3 January, 2020 @14:18
Njëra ndër basketbollistet më të mira te vashat e Bashkimit, Aisha Balarabe, është larguar nga skuadra prizrenase.
Lajmin e bëri të ditur Bashkimi përmes një postimi në faqen zyrtare në Facebook, derisa me lojtaren në fjalë është shkëputur kontrata me marrëveshje të dyanshme.
Balarabe karrierën e saj do ta vazhdojë në Spanjë, derisa te Bashkimi luajti me mesatare prej 18.3 pikëve, 12.5 kërcimeve dhe 2 asistimeve për ndeshje.
Bashkimi gjithashtu ka bërë të ditur se së shpejti do të prezantohet zëvendësuesja e nigerianes.
Vashat e Bashkimit e mbyllën stinorin vjeshtor pa asnjë humbje në Ligën e Femrave.