Andre Wolford përforcon Prizrenin

Basketbollisti i ri amerikan, Andre Wolford, pritet të jetë përforcimi i ri i Prizrenit.

Njoftimin e ka bërë të ditur Eurobasket.com sot, derisa amerikani 188 centimetra i gjatë që luan në pozitën e organizatorit, së fundi ka luajtur për St Francisin ku në 32 paraqitje ka pasur mesatare prej 23.6 minutash lojë për ndeshje, 8.5 pikë, 0.4 asistime dhe 0.7 rrëmbime topi.

Prizreni ka përfunduar pjesën e parë të stinorit në pozitë të pestë të klasifikimit me bilans 9-7 pas 16 ndeshjeve të para të stinorit.

Ekipi po synon që të kryejë stinorin në njërën nga TOP 4 pozitat, ndërsa gjatë fundit të stinorit vjeshtor pat ndarë rrugët me disa nga lojtarët më të mirë në histori të shkurtër të ekipit, si Elliott Cole e Malcolm Canada.