Ylli zyrtarizon Jan Palokajn

Basketbollisti i deritashëm i Prishtinës, Jan Palokaj, është përforcimi më i ri i Yllit. Ekipi suharekas përmes një njoftimi sot ka bërë të ditur se ka angazhuar lojtarin në fjalë në radhët e veta për stinorin 2023/24.

Dy herë kampioni i Kosovës, Ylli, ditë më parë riktheu Chris Harrisin, që ka luajtur në dy stinorë të ndryshëm aty, ndërsa sot edhe me Palokajn duket se ka kompletuar ekipin për të hapur mbarë vitin e ri garues në basketboll, që fillon me turneun e Superkupës së Kosovës.

Superkupa e Kosovës te meshkujt që nis mesjavën e ardhshme organizohet në 13 qershori të Suharekës, ndërsa Ylli është nikoqir.

Sa i përket Janit, ai ka qenë për 32 ndeshje i angazhuar te Prishtina në stinorin e kaluar ndërsa ka pasur mesatarisht 26 minuta për lojë aty. Në këto ndeshje, mesatarisht ai ka shënuar 7.8 pikë ka bërë 2.8 asistime dhe 2.9 kërcime për ndeshje.