KUPA E KOSOVËS
Final 8 e Kupës: Për herë të parë, në vendin e njëjtë dy herë radhazi
31 December, 2019 @8:53
Përmes një njoftimi të lëshuar dje në faqen zyrtare të Federatës së Basketbollit të Kosovës (FBK) është bërë e ditur se faza finale e Kupës së Kosovës në basketboll do të zhvillohet në Mizahir Isma të Rahovecit.
Kjo është hera e parë që FBK për të dytin vit me radhë i jep organizimin të njëjtës palestër dhe të njëjtit qytet!!! Një rast i paparë deri tash.
E Final 8 e Kupës së Kosovës është paraparë të zhvillohet prej datës 11 deri më 15 shkurt 2020.
Fituese e fundit e Kupës është Prishtina, që kishte fituar pikërisht ndaj Rahovecit në Mizahir Isma, finalen e Kupës në shkurt të vitit 2019.
