ZYRTARE
Alban Veseli, përforcimi më i ri i Rahovecit
6 August, 2019 @15:22
Vazhdon puna e palodhshme e Rahovecit këtë afat kalimtar veror.
‘Vreshtarët’ sot njoftuan opinionin me përforcimin më të ri, basketbollistin Alban Veseli, lojtar ky i njohur në basketbollin vendor.
Veseli gjatë karrierës së tij ka luajtur te Peja, Prishtina e së fundi edhe te Ylli, derisa në sezonin që vjen pritet ta ndihmojë skuadrën e Rahovecit, e cila përveç që do të jetë një skuadër e fortë në garat vendore, do të marrë pjesë edhe në Balkan League si dhe në kualifikime për në FIBA Europe Cup.
Kujtojmë që ditë më parë Rahoveci u përforcua edhe me qendrën greke Tsourakis, derisa më herët te nënkampioni i Kosovës ishin zyrtarizuar edhe Leonard Mekaj, i ardhur nga Ylli, si dhe amerikani Justin Gray dhe kroati Juri Gunjina, transferime që e dëshmojnë seriozitetin e Rahovecit në prag të edicionit të ri.