KËNDELLEN PAS HUMBJES NGA DRITA
AS Kastrioti i kthehet fitores
6 December, 2015 @20:49
Ekipi i AS Kastriotit i është kthyer fitores sot në Ligë të Parë duke e mposhtur Prishtinën e Re në Obiliq, bindshëm.
Ekipi nga Obiliqi kishte pësuar humbjen e parë xhiron e shkuar nga Drita në Gjilan dhe tashmë u këndell me fitoren e thellë ndaj Prishtinës së Re, të cilët i mposhti relativisht lehtë, me 32 pikë dallim.
AS Kastrioti pas kësaj ndeshjeje ka bilanc prej 7 fitoreve e 1 disfate, derisa Prishtina e Re ka regjistruar disfatën e pestë krahas 3 fitoreve të shënuara më parë.
Në xhiron e radhës AS Kastrioti do të ketë punë të vështirë ndaj Rahovecit lider si mysafir, derisa Prishtina e Re pret Lipjanin në kryeqytet.
