GOLDEN STATE WARRIORS
Ishin afër, por nuk pësuan
6 December, 2015 @2:33
Dominimi i Golden State Warriorsit, vazhdoi edhe në ndeshjen kundër Toronto Raptorsit.
Skuadra nga Kanadaja, nuk ishte një kafshatë e lehtë për kampionin aktual, gjatë tërë lojës.
Toronto sekondat e fundit i kaloi barabartë, por krejt në fund bënë disa gabime dhe nuk arritën ta befasojnë Golden Statein duke pësuar me rezultat 109-112.
Super ylli, i luftëtarëve, Stephen Curry, përsëri shkëlqeu duke shënuar 44 pikë, derisa nga vija e treshit ishte i saktë nëntë herë, ku gjithashtu i bëri edhe 7 asistime.
Në anën tjetër, 41 pikët e Kyle Lowryt, shërbyen vetëm për statistika personale.
Kjo ishte fitorja e 21-të me radhë e Golden State Warriorsit, ndërsa ndeshjen e radhës do ta luajnë kundër Brooklyn Netsit, që në letër pritej ta kalojnë lehtë këtë pengesë.
