NË "SEZAI SURROI"
Gerti Shima duke ngulitur sonte në ndeshjen Bashkimi-Trepça/ BOROZANI/ D.S.
Bashkimi mposht Trepçën
5 December, 2015 @20:48
Bashkimi ka arritur të shënojë fitoren e gjashtë të stinorit sonte duke e mposhtur Trepçën e dobësuar në “Sezai Surroi”.
Para, jo më shumë se njëqind shikuesëve në natën me plotë mjegull, ekipi prizrenas ka arritur të mposht rivalin nga katërshja e madhe, Trepçën.
Ekipi mitrovicas nuk është më ai i pjesës së parë të stinorit, pasi që i janë larguar disa lojtarë në ndërkohë dhe Bashkimi nuk e kishte problem të mbahej ndaj gjelbërezinjëve të cilët sado-kudo rezistuan mirë në ndeshje.
Në fund, Bashkimi me këtë fitore (86-68 (45-33 PP)) gjendet në vendin e dytë, derisa Trepça për momentin është e treta.
Përndryshe, kjo është fitorja e parë e Bashkimit në këtë stinor ndaj një ekipi nga katërshja kryesore e basketbollit në Superligë.
