SIGAL PRISHTINA "STËRVITET" ME KERASANIN
BOROZANI/D.S.
Peci shkëlqen në fitoren relaksuese
6 December, 2015 @19:35
Fillimi i dhjetorit nuk ka qenë i mirë për Sigal Prishtinën dhe me fitoren e sontme ndaj Kerasan Prishtinës modeste, kampionia e Kosovës dëshiron të harrojë humbjet nga AEK Larnaca në FIBA Europe Cup dhe Peja në Superligë dje. Borozani.com
Fitorja e Sigal Prishtinës nuk vihej në dyshim, derisa trajneri Marjan Ilievski i dha rastin kryesisht lojtarëve që nuk kanë minutazhë të madhe e lojtarët e ekipit të parë janë pushuar.
I talentuari Rinor Peci ka shfrytëzuar gjithçka sonte për të treguar që ka të ardhme. Ai për 33 minuta lojë ka shënuar 35 pikë, me mesatare impresionuese për tre pikë, 8-12, e nga gjuajtjet e lira 9-10.
Gazmend Sinani ka përfunduar ndeshjen me double-double prej 25 pikëve dhe 18 kërcimeve, ndërsa edhe Mërgim Jakupi ka qenë afër double-doubleit me 17 pikë e 9 kërcime sonte.
Te Kerasan Prishtina që po kalon një debutim sa për sy e faqe në Superligë, Kreshnik Muçolli ka shënuar 16 pikë duke qenë më efikasi në ndeshje.
Me këtë fitore Sigal Prishtina është kthyer në vend të dytë të tabelës, derisa ka edhe një ndeshje mangu, që duhet ta luajë me Trepçën.
Kerasan Prishtina në anën tjetër ka regjistruar humbjen e 11-të nga 11 ndeshje të zhvilluara deri tani.
Statistikat ekipore
| SIGAL PRISHTINA | KERASAN PRISHTINA | ||
| Çereku i parë | 24 | 19 | |
| Çereku i dytë | 35 | 15 | |
| Çereku i tretë | 23 | 19 | |
| Çereku i katërt | 29 | 26 | |
| Kërcime | 46 | 31 | |
| Asistime | 25 | 16 | |
| Bllokada | 0 | 1 | |
| Topa të vjedhur | 5 | 9 | |
| Topa të humbur | 17 | 18 | |
| Tentime për tre pikë | 12/30 (40%) | 8/27 (29%) | |
| Tentime për dy pikë | 24/39 (61%) | 24/51 (47%) | |
| Gjuajtje të lira | 27/39 (69%) | 7/15 (46%) |
Statistikat individuale te Sigal Prishtina
| 1 | Rinor Peci | 35 pikë | 3 kërcime | 3 asistime |
| 2 | Gazmend Sinani | 25 pikë | 18 kërcime | 2 asistime |
| 3 | Mërgim Jakupi | 17 pikë | 9 kërcime | 1 asistim |
| 4 | Gëzim Morina | 14 pikë | 9 kërcime | 3 asistime |
| 5 | Muhamed Hasani | 13 pikë | 1 kërcim | 8 asistime |
| 6 | Blerim Mazreku | 5 pikë | 4 asistime | - |
| 7 | Edmond Azemi | 2 pikë | 4 kërcime | 4 asistime |
Statistikat individuale te Kerasan Prishtina
| 1 | Kreshnik Muçolli | 16 pikë | 2 kërcime | 2 asistime |
| 2 | Genc Gashi | 13 pikë | 3 kërcime | 3 asistime |
| 3 | Dardan Kapiti | 12 pikë | 1 kërcim | - |
| 4 | Ardit Beqiri | 10 pikë | 3 kërcime | 3 asistime |
| 5 | Korab Muhadri | 7 pikë | 3 kërcime | 4 asistime |
| 6 | Rinor Ahmeti | 5 pikë | 3 kërcime | 2 asistime |
| 7 | Qëndrim Ajazaj | 5 pikë | 2 kërcime | - |
| 8 | Dion Haxhosaj | 4 pikë | 2 kërcime | 1 asistim |
| 9 | Etnik Peci | 3 pikë | 1 kërcim | 1 asistim |
| 10 | Kujtim Sadiku | 2 pikë | 4 kërcime | - |
| 11 | Dion Pllana | 2 pikë | 2 kërcime | - |
| 12 | Muhamedali Janjeva | 0 pikë | 4 kërcime | - |
