Jordan Barnes i paralajmëruar te Peja përfundon te Real Betis

Basketbollisti që më 8 tetor u paralajmërua si përforcim i Pejës, Jordan Barnes, ka përfunduar te ekipi spanjoll, Real Betis. Ekipi spanjoll ka zyrtarizuar dje lojtarin, ndërsa Peja sonte ka bërë të ditur se klubi i tyre ka arritur marrëveshje me ekipin nga Sevilla për t’a liruar atë drejt Spanjës.

“KB Peja njofton se transferimi i Jordan Barnes ka dështuar per arsyje përsonale të lojtarit. KB Peja ka arritur marrveshje me Real Betis qe lojtari në fjalë të kaloj në kampionatin spanjoll,” ka shkruar njoftimi i KB Peja lëshuar pak çaste më parë.

Peja përndryshe është lidere e kampionatit të Kosovës dhe është ekipi i vetëm i pamposhtur në Superligë, ndërsa është edhe kampion aktual i vendit.