Atoyebi niset për në shtëpi

Njëri prej tre përforcimeve të huaja të Sigkos Bashkimit, Olasumbo Atoyebi, nuk do ta ketë rastin të debutojë për skuadrën prizrenase.

Basketbollisti 203 centimetra i gjatë, sot do të largohet nga Prizreni, pasi që nuk i ka përmbushur kërkesat e parashikuara nga klubi.

Në vend të tij, zyrtarët e Sigkos Bashkimit janë duke kërkuar ndonjë basketbollistë më cilësorë dhe më kualitativ.

Atoyebi kishte ardhur si përforcim për Sigkos Bashkimin javën e kaluar, së bashku me plejmekerin amerikan, Kejuan Johnson dhe lituanezin, Rokas Uzas, mirëpo për dallim nga kjo dyshe, qendra 26 vjeçare nuk i kaloi provat nga trajneri i skuadrës, Muharem Vugdalic.