MUNDO DEPORTIVO
Barcelona, gjatë një time-outi të trajnerit Bartzokas; reprezentuesi i Kosovës Doellman, në këmbë djathtas/ Foto: V. Salgado ACB via Mundo
Barça gjobit lojtarët për performancë të dobët
9 February, 2017 @23:09
Skuadra e Barcelonës në basketboll ka marrë vendim që të gjobit basketbollistët e saj që tregojnë performancë të dobët në ndeshjet e radhës!
Në shkrimin e botuar sonte te El Mundo Deportivo thuhet që me iniciativë të trajnerit Georgios Bartzokas klubi ka miratuar këtë masë ndëshkimi, pasi që ekipi nuk po përjeton rezultate të mira në ndeshjet e fundit.
Barcelona këtë stinor ka regjistruar 19 humbje nga 41 ndeshje të zhvilluara në të gjitha garat - shifër e patolerueshme kjo për ekipin. Ekipi është në vend të katërt të Liga Endesas spanjolle me bilanc 13-5, ndërsa tashmë i rrezikohet edhe PlayOffi në Euroligë pasi që janë me bilanc 8-13.
Klubi do të dënojë me 5 mijë euro për ndeshje secilin lojtar për të cilin vendoset që nuk ka dhënë maksimumin e tij gjatë ndeshjes.
Barcelona nesër mbrëma pret Galatasarayin në kuadër të Euroligës, në ndeshjen që fillon nga ora 21:00. Pjesë e pandashme e Barcelonës është edhe reprezentuesi i Kosovës, Justin Doellman.
