RONALD FARMER-BLANCHARD
Rahoveci shton në ekip qendër amerikane
9 February, 2017 @13:26
Skuadra e Rahovecit nuk ka të ndalur me përforcime të huaja. Pas dy amerikanëve të paraqitur në afatin kalimtar të janarit, tashmë ekipi ka paraqitur për regjistrim në FBK edhe një qendër.
Fjala është për Ronald Farmer-Blanchard, basketbollist amerikan 208 centimetra i gjatë që së fundi ka qenë pjesë e ekipit spanjoll, Venta de Banos.
Për ekipin në fjalë, Farmer-Blanchard ka zhvilluar 7 ndeshje me mesatare prej 21 minutash për lojë. Në ato minuta të kaluara ai ka pasur 8.4 pikë të shënuara, 5.7 kërcime dhe 50% saktësi në shut - si mesatare në këto ndeshje.
Rahoveci është aktualisht në pozitën e gjashtë të Superligës dhe ka bilanc 6-10 pas 16 xhirove. Ekipi është duke e përjetuar stinorin e parë në Superligë në histori të klubit.
