Bashkimi kampion i juniorëve

Juniorët prizrenas të Bashkimit kanë arritur të shpallen kampion të Kosovës në basketboll, pasi që në finale mposhtën Sigal Prishtinën 71-58. 

Prizrenasit kanë qenë bindshëm më të mirë se prishtinasit në ndeshjen e sontme dhe me një lojë atraktive të udhëhequr nga Ujkan Karanezi, Qëndrim Ajazaj dhe bashkëlojtarët e tyre, kanë arritur të fitojnë edhe titullin kampion, pas kupës të cilën e fituan në muajin e kaluar - pikërisht ndaj prishtinasve.

Informatat më të hollësishme dhe statistikat e ndeshjes ju sjellim më vonë.