Bashkimi kthen lojën në pjesë të dytë

Bashkimi ka arritur të dalë fitues i ndeshjes së xhiros së parë, ndaj të rikthyerit në Superligë, Yllit. 

Ekipi prizrenas ka arritur të shënojë fitore me rezultat 80-66 në ndeshjen e posapërfunduar në Suharekë. 

Ylli u tregua ekip shumë i mirë në ndeshje, posaçërisht në pjesë të parë, të cilën edhe e përfundoi në avantazh shtatë pikësh, 39-32. 

Mirëpo, në çerekun e tretë kur amerikani Najee White u nxorr nga trajneri për tu kursyer, pasi që kishte 4 gabime personale, Bashkimi fillon dominimin dhe arrin të ngris epërsinë. 

White, luante me kujdes në çerekun e fundit për të mos u përjashtuar, e Bashkimi në anën tjetër zgjeronte epërsinë për të arritur fitore në fund, para qindra shikuesve të mbledhur në Suharekë - të cilët nuk u ndalën së brohorituri asnjëherë gjatë gjithë ndeshjes. 

Qendra shqiptare, Endrit Hysenagolli, ka qenë më efikasi te Bashkimi me 19 pikë të shënuara, i përcjellur nga Spencer Dixon, që regjistroi 15 pikë. 

E te ekipi humbës, u dalluan dy përforcimet amerikane, Najee White me 20 dhe Derrick Washington me 19 pikë të shënuara.

REZULTATET, TABELA AKTUALE DHE NDESHJET E RADHËS

Video

Çaste nga ndeshja Ylli-Bashkimi

Nga prezentimi i lojtarëve Ylli-Bashkimi

Statistikat ekipore

	YLLI	BASHKIMI
Çereku i parë	21	17
Çereku i dytë	18	15
Çereku i tretë	13	23
Çereku i katërt	14	25
Kërcime në mbrojtje	24	23
Kërcime në sulm	8	14
Gjithsej kërcime	32	37
Asistime	14	19
Bllokada	1	4
Topa të vjedhur	2	12
Topa të humbur	17	11
Tentime për tre pikë	2/11	7/23
Tentime për dy pikë	22/40	20/48
Tentime nga gjuajtjet e lira	16/26	19/25

KB Ylli

1	Najee White	20 pikë	11 kërcime	1 asistim
2	Derrick Washington	19 pikë	4 asistime	2 kërcime
3	Urim Zenelaj	13 pikë	10 kërcime	12 asistime
4	Artin Gashi	7 pikë	5 kërcime	1 asistim
5	Salajdin Hysenaj	6 pikë	3 kërcime	1 asistim
6	Erris Nushi	1 pikë	3 asistime	1 kërcim

KB Bashkimi

1	Endrit Hysenagolli	19 pikë	10 kërcime	1 asistim
2	Spencer Dixon	15 pikë	7 asistime	3 kërcime
3	Qëndrim Biraj	13 pikë	7 asistime	3 kërcime
4	Tom Tankelewicz	11 pikë	3 kërcime	2 asistime
5	Boban Medenica	9 pikë	9 kërcime	1 asistim
6	Kreshnik Juniku	7 pikë	4 kërcime	1 bllokadë
7	Dragomir Marojevic	4 pikë	2 kërcime	1 bllokadë
8	Altin Morina	2 pikë	2 kërcime