BASHKIMI (F) - KASTRIOTI (F)
TOPSPORTI / Arian Paçarizi
Bashkimi lehtë ndaj Kastriotit, përforcohet kreu
25 October, 2019 @21:05
Ndeshja hapëse e xhiros së tretë në Ligën e Femrave në basketboll, përfundoi pa ndonjë befasi.
Vashat e Bashkimit pa problem e mposhtën skuadrën e Kastriotit me rezultat 98-43.
Trajneri i Bashkimit Furkan Saglik, pas çerekut të parë, lojtaret e pesëshes startuese nuk i përdori shumë, ngase ndeshjen e kontrolluan edhe vashat që erdhën nga banka.
Arbnore Përquku luajti vetëm 14 minuta, derisa u bë koshashënuesja më e mirë te Bashkimi me 18 pikë. Përquku u ndihmua edhe nga Aulona Muhadri me 14 pikë e 12 kërcime, Saranda Daci me 13 pikë, Jeta Zeka me 12 pikë, Sarra Vraniqi me 11 pikë dhe Gresa Gashi me 10 pikë të tjera.
Te Kastrioti e vetmja që u mundua ishte Agnesa Rrahmani. Ajo ishte e vetmja që luajti me pikë dyshifrore prej 28 pikëve, por nuk mjaftuan për ta befasuar kundërshtaren.
Bashkimi me 3 fitore gjendet në krye të tabelës, kurse Kastrioti ka bilanc prej 1 fitoreve e 2 humbje.
Në xhiron e radhës, Bashkimi takohet me Vëllaznimin, kurse Kastrioti me Trepçën.
