RAHOVECI - BASHKIMI
Bashkimi mposht edhe Rahovecin
27 January, 2018 @18:48
Bashkimi ka shënuar edhe fitoren e dytë me radhë në Superligë sonte, duke e mposhtur Rahovecin si mysafir, 85-106.
Basketbollistët portokallezi nga Prizreni kanë pasur epërsi edhe pas fundit të pjesës së parë të takimit, kur ishin tetë pikë më shumë sesa vendasit, 46-54.
E në pjesë të dytë epërsia u thellua dhe Bashkimi tash regjistroi fitoren e 12 të stinorit krahas pesë humbjeve që i ka.
Në anën tjetër, Rahoveci me këtë humbje rrezikon vendin e katërt në klasifikim, pasi që tash është me bilanc 9-8 dhe atij çdo ditë e më shumë po i afrohet Trepça.
