EKSKLUZIVE
Gazmend Sinani në elitën e Anglisë
26 January, 2018 @14:05
Qendra e disa ekipeve kosovare, që së fundi ka qenë pjesë e ekipit të Rahovecit në Superligë, Gazmend Sinani, ka arritur marrëveshje me ekipin e elitës angleze.
Leeds Force është ekipi i ri i Sinanit, ndërsa qendra 27 vjeçe, që ka përvojë edhe në reprezentacionin e Kosovës ka nënshkruar kontratë deri në fund të stinorit me këtë ekip.
Përndryshe, Leeds Force bën pjesë në elitën e basketbollit anglez, BBL. Aktualisht është në pozitën e fundit me bilanc 1-17 nga 18 xhiro të zhvilluara, derisa lider i ligës është kampioni aktual, Leicester Riders me bilanc 14-2.
