Mbrojta e fortë në vazhdime, na solli fitoren

Amerikani i Bashkimit, Aaron Moss, që erdhi në janar është futur në formë të jashtëzakonshme pas vetëm disa ndeshjeve të zhvilluara me ekipin e tij të ri.

Ai mbrëmë ka shënuar triple-double në paraqitjen e tij fantastike ndaj Tiranës, ndërsa fitoren ia ka adresuar lojës ekipore të bërë të Bashkimit.

TABELA AKTUALE

“Ka qenë me të vërtetë një lojë e fortë ekipore. Kemi dhënë gjithçka si ekip për të arritur te fitorja. Në fund të ndeshjes kemi mbyllur koridoret në mbrojtje dhe ky ka qenë çelësi i fitores,” ka thënë Moss, shkruan sot faqja zyrtare e BIBL.

Moss ka përfunduar ndeshjen me 33 pikë, 11 asistime dhe 11 kërcime, derisa Bashkimi ka shënuar fitoren e parë të vitit në ligën ballkanike.

RAPORTI I NDESHJES

Veç kësaj, Bashkimi është ngritur për tre pozita në klasifikim, duke kapur pozitën e tretë pas 8 ndeshjeve të zhvilluara të stinorit të rregullt në BIBL.