Bashkimi mposht Rahovecin në Prizren

Me fitoren e vendasve u mbyll dueli i sontëm mes Bashkimit e Rahovecit në Prizren.

Ndeshja në përgjithësi ishte mjaft e fortë, sidomos në pjesën e parë, me rezultatin që nuk shkëputej asnjëherë mbi 5-6 pikë diferencë, mirëpo skuadra e Bashkimit ishte ajo që vazhdimisht e diktonte tempon e ndeshjes, duke mbajtur epërsi të lehtë pothuajse gjatë gjithë kohës.

Rezultati në të mirë të vendasve filloi të thellohej në çerekun e tretë, kur te Rahoveci vërehej lodhja për shkak të aktivizimit të vetëm 5 lojtarëve në parket, e në anën tjetër Bashkimi i ndihmuar edhe nga banka rezervë e thelloi epërsinë dhe takimin e mbylli me rezultatin përfundimtar 98-79. Lojtarë nga banka rezervë Rahoveci filloi të inkuadrojë vetëm në 4 minutat e fundit të duelit, kur dilema e fituesit veçse ishte e mbyllur.

TABELA AKTUALE SUPERLIGA

Më të dalluarit te prizrenasit sonte ishin Eric Stutz me 21 pikë e 6 kërcime dhe Vincent Zollo me 19 pikë, 8 kërcime e 2 asistime, kurse te Rahoveci, që sonte ishte në mungesë të dyshes Arian Qallaku e Tyler Deihl për shkak të lëndimeve, u veçua Mark Williams me 36 pikë, 7 kërcime e 1 asistim.

Kjo fitore e mban Bashkimin të qetë në vendin e dytë, kurse Rahoveci mbetet i katërti përkundër humbjes.