REFERËT DHE ORARI: XHIRO VI
Nga duelet e mëparshme Bashkimi-Trepça/ Josip Blajic (Bashkimi) në vijën e gjuajtjeve të lira/ BOROZANI/D.S.
Bashkimi-Trepça, derbi i xhiros
4 November, 2014 @10:29
Xhiroja e VI e Superligës nis nesër. Ndeshjet e parafundit, para se çdo skuadër të takohet së paku njëherë me njëra-tjetrën në këtë stinor, nisin nesër me ndeshjen Vëllaznimi-Peja në palestrën Shani Nushi të Gjakovës.
Kjo do të jetë ndeshja e parë e xhiros dhe e vetme që luhet nesër, derisa takimet tjera zhvillohen të enjten ku janë dy takime të cilësuara si derbi të xhiros.
Bashkimi-Trepça, këta dy rivalë që nuk po arrijnë t’i bëjnë ballë më Sigal Prishtinës e Pejës takohen në Sezai Surroi.
Ndeshja ndërmjet skudrave me rivalitet të madh pritet të zgjojë kërshërinë e basketbolldashëve, derisa ndeshja ka vlerën e përcaktimit të ekipit që do të mund të përfundojë në pozitë të tretë të Superligës pas turit të parë të ndeshjeve.
Kampionja udhëton për fitore në Suharekë, ku ndeshet me Yllin, derisa ndeshja tjetër që pritet të jetë betejë e madhe në parket mbledh në palestrën Bill Clinton: Kastriotin dhe Besën, dy skudra ende pa fitore në Superligë.
Orari dhe gjyqtarët e xhiros VI:
| 5 nëntor 2014 - Shani Nushi - Ora 18:00 | Vëllaznimi (5) - Peja (2) | Gjyqtarët: Daut Mehmeti, Xhelal Mumini dhe Isa Prebreza; | |
| 6 nëntor 2014 - 13 qershori - Ora 18:00 | Ylli (6) - Sigal Prishtina (1) | Gjyqtarët: Xhavit Beqiri, Dren Pudarolli dhe Ilhan Xhaka; | |
| 6 nëntor 2014 - Sezai Surroi - Ora 19:00 | Bashkimi (3) - Trepça (4) | Gjyqtarët: Xhelal Mumini, Daut Mehmeti dhe Atdhe Goçaj; | |
| 6 nëntor 2014 - Bill Clinton - Ora 20:00 | Kastrioti (8) - Besa (7) | Gjyqtarët: Faton Kurshumlija, Burim Berisha dhe Astrit Kasapolli; |
