Bashkimi zyrtarizon Shehun

Skuadra e Bashkimit po vazhdon me serinë e përforcimeve.

Klubi prizrenas ka siguruar shërbimet e basketbollistit 18 vjeçar, Andi Shehu, i cili edhe pse që nga fillimi i kësaj jave ka qenë i pranishëm në stërvitjet me skuadrën, zyrtarizimi i këtij transferi është bërë sot nga faqja zyrtare e klubit.

Talenti i ri së fundi ka qenë pjesë e skuadrës Lastovka Domzale të Sllovenisë, derisa më parë ka luajtur edhe në grupmoshat e reja të skuadrës turke, Trabzonspor.

Për Shehun më parë kanë shprehur interesim edhe dy gjigantët e basketbollit kosovar, Sigal Prishtina dhe Peja, mirëpo basketbollisti në fjalë siç duket ka vendosur t’i mbetet besnik ekipit të qytetit të tij.