Bashkimi finalist

Bashkimi ka arritur të plasohet në finale të Kupës së Kosovës në basketboll pasi që mposhti Besën me 6 pikë epërsi. 

Prizrenasit kështu kanë arritur që të kualifikohen në finale të Kupës së Kosovës për herë të dytë në tre stinorët e fundit. 

Bashkimi ia nisi mirë ndeshjes duke krijuar epërsi fillestare prej 7-0, mirëpo pejanët rregulluan radhët e tyre dhe arritën të futen në lojë duke e afruar rezultatin. 

Përkundër se gjatë gjithë ndeshjes Bashkimi ishte në epërsi, Besa me lojë kompakte ka arritur që mos t’i lë rehat asnjëherë prizrenasit, të cilët në disa raste mendonin se kishin fituar ndeshjen., 

Sidoqoftë, në fund ekipi i Edin Kërveshit arriti në finalen e madhe të Kupës së Kosovës - dhe tani pret fituesin e duelit Sigal Prishtina - Peja për tu përballur nesër në finalen e madhe. 

Playmakeri amerikan i prizrenasve Darrell Lampley ka shkëlqyer në ndeshje duke shënuar 32 pikë derisa Endrit Hysenagolli e Rickey Young me double double kanë dominuar nën kosh për të çuar ekipin e tyre në finale. 

Statistikat ekipore:

	Besa	Bashkimi
Çereku i parë	20	24
Çereku i dytë	21	28
Çereku i tretë	30	24
Çereku i katërt	19	22
Kërcime	32	42
Asistime	15	22
Bllokada	3	5
Topa të vjedhur	9	4
Topa të humbur	12	17
Tentime për tre pikë	11/27	12/27
Tentime për dy pikë	23/57	23/40
Tentime nga gjuajtjet e lira	11/17	16/27

Statistikat individuale te Besa

1	Nakiea Miller	27 pikë	15 kërcime	1 asistim
2	Arian Qallaku	25 pikë	5 kërcime	3 asistime
3	Arti Hajdari	20 pikë	4 asistime	1 kërcim
4	Altin Morina	10 pikë	7 kërcime	6 asistime
5	Sami Hajzeri	7 pikë	2 kërcime
6	Beqë Kovaqi	1 pikë	2 kërcime	1 asistim

Statistikat individuale te Bashkimi

1	Darrell Lampley	32 pikë	3 asistime	1 kërcim
2	Endrit Hysenagolli	23 pikë	11 kërcime
3	Rickey Young	13 pikë	14 kërcime	4 asistime
4	Zeljko Jovanovic	12 pikë	5 asistime	4 kërcime
5	Aaron Mitchell	11 pikë	8 kërcime	4 asistime
6	Valentin Spaqi	4 pikë	4 asistime	3 kërcime
7	Qëndrim Biraj	3 pikë	2 asistime	1 kërcim