SAN ANTONIO
Humbja! Çka është ajo?
29 March, 2014 @10:28
Stuhia e San Antonio Spursit, vazhdoi edhe në ndeshjen kundër Denver Nuggets. Djelmoshat e trajnerit Gregg Popovich, arritën të fitojnë për të 16-tën herë rresht, në Pepsi Center të Denverit, me rezultat 133-102.
Rolin kryesor, në fitoren e mamuzave, e luajti italiani Marco Belinelli, i cili shënoi 27 pikë derisa u ndihmua edhe nga Tim Duncan me 20 pikë e 8 kërcime, ndërsa në anën tjetër, u dallua Kenneth Faried me 18 pikë e 13 kërcime.
Spurs me 56 fitore e 16 humbje, gjendet në pozitën e parë në Konferencën Perëndimore dhe me 16 fitore rresht, janë në formë tepër të mirë, kurse ndeshjen e radhës do të luajnë kundër New Orleans Pelicans, ku në letër pritet që të regjistrohet fitorja e radhës për skuadrën e trajnerit Gregg Popovich.
