Besa turpëron Bashkimin

Besa e Pejës ka arritur që të befasojë Bashkimin në Prizren. Ekipi pejan ka arritur që me lojë të jashtëzakonshme dhe luftarake tu mbajë lekcion basketbolli prizrenasve duke i mposhtur për herë të parë këtë stinor, 94-105. 

Dyshja e talentuar e Besës, Arian Qallaku dhe Arti Hajdari, kanë qenë të pakapshëm për portokall-e-zinjtë nga Prizreni sonte. 

Kjo dyshe ka shënuar mbi 50 pikë për skuadrën e tyre, ku i pari ka shënuar 28, derisa i dyti 25 pikë tjera në fitoren fantastike të Besës. 

Basketbollisti më efikas i Bashkimit në ndeshje ka qenë amerikani Aaron Mitchell me 27 pikë të shënuara, në ndeshjen ku trajneri Edin Kërveshi, ka përjetuar humbjen e parë nga Besa këtë stinor. 

Me këtë fitore Besa do të tentojë që të arrijë Play-Offin, që së fundi i është afruar shumë, pas disfatës së radhës së Bashkimit, si dhe të Trepçës sonte ndaj RTV 21. 

Përndryshe, kjo ka qenë disfata e katërt me radhë e Bashkimit këtë stinor dhe seria më e keqe e tyre në dy vitet e fundit. 

Duhet përmendur gjithsesi edhe ndërprerjen e ndeshjes, që pasoi pas një gjuajtje të topit drejt referi kryesor Daut Mehmeti, 2.43 minuta para përfundimit të ndeshjes, pranë rezultatit 76-90 në të mirë të pejanëve. 

Ndeshja vazhdoi pas zbrazjes së palestrës nga shikuesit. 

Rezultatet dhe tabela aktuale.

Statistikat ekipore:

	Bashkimi	Besa
Çereku i parë	22	24
Çereku i dytë	25	27
Çereku i tretë	16	23
Çereku i katërt	31	31
Kërcime	37	38
Asistime	15	14
Bllokada	8	-
Topa të vjedhur	1	4
Topa të humbur	15	7
Tentime për tre pikë	8/30	7/22
Tentime për dy pikë	24/41	32/55
Tentime nga gjuajtjet e lira	22/29	20/33

Statistikat individuale te Bashkimi:

1	Aaron Mitchell	27 pikë	9 kërcime	4 asistime
2	Darrell Lampley	17 pikë	4 kërcime	3 asistime
3	Zeljko Jovanovic	16 pikë	3 kërcime
4	Rickey Young	11 pikë	9 kërcime	5 bllokada
5	Qëndrim Biraj	11 pikë	3 asistime	2 kërcime
6	Endrit Hysenagolli	9 pikë	7 kërcime	1 asistim
7	Valentin Spaqi	3 pikë	3 kërcime	2 asistime

Statistikat individuale te Besa:

1	Arian Qallaku	28 pikë	5 kërcime
2	Art Hajdari	25 pikë	4 kërcime	4 asistime
3	Blend Matoshi	17 pikë	7 kërcime	1 asistim
4	Nakiea Miller	15 pikë	13 kërcime	3 asistime
5	Beqë Kovaqi	12 pikë	4 kërcime	1 asistim
6	Altin Morina	5 pikë	5 asistime	3 kërcime
7	Sami Hajzeri	3 pikë	2 kërcime