BESA
BB1
Bojan Sormaz te Besa
7 January, 2014 @18:49
Skuadra debutuese në Superligë, Besa, i ka përforcuar radhët e veta me basketbollistin hungarez, Bojan Sormaz.
Ekipi pejan nëpërmjet faqes zyrtare ka njoftuar se është arritur marrëveshja me basketbollistin në fjalë dhe tashmë ai është lojtar i Besës.
Sormaz te Besa është transferuar nga skuadra suedeze, White Eagles, me të cilën ka pasur mesatare prej 11.3 pikëve, 4.5 asistimeve, 3.5 kërcimeve dhe 2.3 topave të vjedhur në 11 paraqitje.
Organizatori 28 vjeçar më parë ka luajtur edhe në skuadra të ndryshme të Gjermanisë dhe të Hungarisë.
Përveç tjerash, në njoftimin e ekipit bardhë e kuq nga Peja është thënë se Sormaz është përforcimi i parë dhe i fundit për Besën, që do të thotë se me transferimin e hungarezit ekipi i trajnerit Boris Kurtovic, synon ta mbyll merkaton e janarit.
Besa gjatë stinorit vjeshtor ka arritur të regjistroj 5 fitore dhe 9 humbje, duke u renditur në pozitën e gjashtë në Superligë dhe duke i mbajtur shpresat e gjalla për një vend në play-off.
Video
