Borsellini shkëlqen, Malisheva s’arrin të mposhtë “niklin”

Nuk ka pasur fitues në përballjen mes Malishevës dhe Feronikelit’74, edhe pse vendasit kanë dominuar me raste gjatë tërë ndeshjes. Por, ka qenë Davide Borsellini në portë të mysafirëve që ka bërë të pamundurën për të shpëtuar ekipin e tij. Ndërkaq, Feronikeli’74 në dy raste me kundërsulm gjeti opcionin për të dalë para portës së Veliit, por që njëherë u gjendën në ofsajd, e në tjetrën mbrojtësi shpëtoi ekipin vendas.

Malisheva - Feronikeli’74 0-0.

Malisheva kështu humb mundësinë për ta ndjekur në hap Dritën dhe mbyllë xhiron në pozitën e dytë me 29 pikë, 8 më pak se liderja. Feronikeli’74 është i fundit, në pozitë të dhjetë, me 7 pikë të tubuara deri tash.