Buzëqesh playoffi!

RTV 21 është skuadra e tretë, pas Pejës dhe Sigal Prishtinës, që ka shënuar fitore kundër të gjitha skuadrave të BKT Superligës.

Ekipi i trajnerit Adin Adinovic arriti të fitoj kundër Sigal Prishtinës, të cilën e mposhti me rezultat të thellë 71-57 në ndeshjen e luajtur në Pallatin e Rinisë dhe të Sporteve në Prishtinë.

Pikët e para të ndeshjes u realizuan nga Edmond Azemi, i cili shënoi për dy pikë nga afërsia. Pikët e Azemit ishin pikët e vetme të shënuar nga loja në çerekun e parë për Sigal Prishtinën, e cila nuk ishte aspak efikase. Rezultati i kësaj periudhe ishte 15-6 në të mirë të 21-shit, ndërsa Kendrick Jones me 10 pikë ishte i pandalshëm për mbrojtjen e bardhekaltërve.

Jones i vetëm, më shumë se krejt Prishtina!

Dominimi i 21-shit vazhdoi edhe në çerekun e dytë, i cili përfundoi me epërsi prej 20 pikëve, 38-18, kurse Jones përsëri ishte enigmë e pazgjidhur për Prishtinën pasi shënoi dy pikë më shumë (20) se krejt skuadra e Sigal Prishtinës pas 20 minutave lojë.

Me treshat e Fahri Brecës dhe amerikanit Alvin Snow, Sigal Prishtina e ngriti tempon e lojës, me ç‘rast edhe u ngushtua sado pak rezultati në fund të çerekut të tretë 54-38. Mirëpo përjashtimi në këtë çerek i Edmond Azemit dhe i Fahri Brecës nga loja për shkak të 5 gabimeve personale, e vurri në telashe të thella trajnerin turk, Ahmet Kandemir.

Në çerekun e katër 21-shi luajti lojë të menqur duke organizuar sulme të gjata, ndërsa tentimet e shumta për tre pikë të Sigal Prishtinës nuk e qëlluan cakun.

Në fund, Teleboysat e realizuan edhe një senzacion duke ia shkaktuar humbjen e parë Prishtinës së Ahmet Kandemirit. Ky i fundit pas ndeshjes nuk i zgjati as dorën homologut të tij, Adin Adinovic.

Tabela aktuale dhe rezultatet.

RTV 21 (Statistikat individuale)

SIGAL PRISHTINA (Statistikat individuale)