PRISHTINË
BOROZANI/Erdis Driza
Derbi lokal, sonte
6 April, 2013 @11:42
Prishtina do të jetë sonte arena e derbit në BKT Superligë. Takohen, ekipi i ri në BKT Superligë, RTV 21 dhe ish kampioni, Sigal Prishtina.
Të dyja skuadrat në stinorin pranveror i kanë shkaktuar humbje liderit Pejës dhe janë aktualisht në formë të mirë.
Skuadra e Adin Adinovicit, RTV 21, bazohet në pesëshen e parë dhe në Kendrick Jonesin, që është në formë të mirë, derisa ajo e trajnerit Ahmet Kandemir, Sigal Prishtina, luan lojën e saj të vjetër ekipore, por me angazhim më të madh.
Jones në një intervistë të mëhershme për Borozani.com kishte thënë se i tërë koncentrimi i tyre do të jetë i bazuar në paraqitje sa më të mirë dhe pse jo edhe në fitore në derbi lokal.
Ndërkaq, Granit Rugova i Sigal Prishtinës, pas fitores ndaj Pejës kishte thënë se, po kthehet Prishtina e vjetër.
Derbi lokal ia nis në ora 20:00 dhe luhet në Pallatin e Rinisë. Ndeshjet tjera luhen nesër.
BKT SUPERLIGA, SONTE:
| 20:00, Pallati i Rinisë, Prishtinë | RTV 21 - Sigal Prishtina | (0-3) Rezultati i përballjeve të deritashme | Gjyqtarë: H. Zeka, D. Mehmeti dhe E. Raqa |
