Caktohen pagesat dhe testet për gjyqtarët

Bordi i Shoqatës së Gjyqtarëve të Federatës së Basketbollit të Kosovës në mbledhjen e mbajtur më 10.08.2015 morri këto vendime:

1.Organizmi i testit   për gjyqtarë dhe  vëzhgues të mbahen me 12 dhe   13 shtator të vitit 2015;

2. Për zbatimin e testit  formohet Komisioni në përbërje:  Luzlim Maloku, Bajrush Ademi dhe Alban Lumi;

3. Caktohet anëtarësia :

   -  për gjyqtarët e deleguar në Superligë dhe ligat e tjera shuma prej 20,00€;

   - për vëzhguesit e deleguar në Superligë dhe ligat e tjera shuma 15,00€  kurse

   - për gjyqtarët dhe vëzhguesit  e  kategorive  të reja shuma prej 10,00€ ;

   - kandidatët që nuk do të kalojnë testin në këtë afat, pas një jave do të organizohet afati i dytë i testimeve, pagesa për këtë afat do të jetë prej 20 eurove për të gjitha kategoritë;

   - mjetet duhet  t’i derdhin në xhirollogarinë e FBK-së, në TEB-Bankë: 20-11-0000875360-41, më së largu deri me 11 shtator.

4. Gjyqtarët, që nuk e kanë kaluar moshën prej 33 vjec, e të cilët e kanë fituar më parë këtë thirrje, dhe që nuk kanë qenë aktiv në edicionin e fundit, mund ti drejtohen SHGJFBK-së në email-adresën: [email protected],  me kërkesë për ri-anëtarësim. Ndërkaq  mbeti në fuqi “Vendimi i Janarit”, ku i kërkohet gjyqtarëve që kanë fyer apo kanë hedhur akuza të pabaza ndaj FBK-së dhe SHGJFBK-së, të kërkojnë falje publike.

Kërkesa për kthim dhe kërkim falje, vlen deri me 21.08.2015, në ora 16.00.

5.Gjyqtarët të cilët kanë pushuar aktivitetin e tyre më shumë se një edicion automatikisht do të renditen një kategori më të ulët, si dhe detyrohen të bashkëpunojnë sa më ngushtë me koordinatorin teknik, në mënyrë që ndryshimet e rregullave të dy viteve të  fundit të mos i gjejnë në befasi. 

6. Nuk  do të pranohet asnjë kërkesë eventuale për vëzhgues të ri pa e pasur titullin e gjyqtarit  dhe mos të jetë mbi 50 vjeç.