VETERANI
Cekovski rikthehet te Sigal Prishtina!
21 July, 2015 @8:12
Veterani i basketbollit maqedonas do të rikthehet te Sigal Prishtina. Gjorgji Cekovski pritet të jetë përforcimi i Sigal Prishtinës për edicionin e ri ka bërë të ditur Koha Ditore sot, duke u bazuar në burimet e saja brenda klubit kampion.
Koshashënuesi më i mirë i Maqedonisë
Cekovski që ka qenë basketbollisti me mesatare më të lartë të pikëve të shënuara në edicionin e kaluar në stinorin e rregullt në Maqedoni, pritet të jetë një shtesë e mirë për bardhekaltërit në ekip.
Ai ka pasur 18.2 pikë të shënuara mesatarisht për ndeshje në stinorin e kaluar me Rabotnickin, derisa ai gjithashtu ka regjistruar edhe 7 kërcime për ndeshje me ekipin e tij në stinorin e kaluar.
Karriera
Cekovski ka luajtur për Sigal Prishtinën në stinorin 2003/04, ndërsa ka bërë karrierë edhe në ekipe si Geoplin Slovan, Lukoil Academic, Feni Industri, Levski, MZT dhe së fundi në Rabotnicki.
Ai ka fituar 8 herë titullin kampion në Maqedoni dhe 6 herë Kupën. Në vitrinë ka gjithashtu edhe 3 medalje titulli të kampionit në Bullgari si dhe 5 medalje të fituesit të Kupës bullgare.
