Cibona në Prishtinë

Njëri ndër ekipet më të mëdha të regjionit, Cibona, do të jetë mysafire në Prishtinë për ndeshje me Sigal Prishtinën më 26 nëntor. 

Njoftimin e ka dhënë faqja zyrtare prishtinase në Facebook, derisa kreu i këtij klubi Blerand Stavileci ka qenë mysafir në ndeshjen e Cibonës me Zarën në kuadër të ABA League, apo Adriatik League. 

Përveç ndeshjes, Cibona pritet të nënshkruaj edhe marrëveshje bashkëpunimi me ekipin prishtinas, derisa klubi kampion i Kosovës ka falenderuar Ambasadën e Kroacisë në Kosovë dhe në veçanti ish futbollistin e shumë ekipeve kosovare, Uliks Emra, që mundësoi këto takime. 

Kryetar i Cibonës aktualisht është, Aleksandar Petrovic, vëllau i legjendës së basketbollit, Drazen Petrovic, derisa rolin e drejtorit sportiv të klubit e luan ish trajneri i dikurshëm i Bashkimit të Prizrenit, Vlado Vanjak. Trajner i Cibonës është Slaven Rimac.