BESA
Do të përmirësohen
20 October, 2014 @21:59
Skuadra e Besës së Pejës ndjehet e zhgënjyer me paraqitjen e lojtarëve në ndeshje ndaj Sigal Prishtinës.
“Ka qenë një natë e keqe e lojtarëve të Besës dhe njëra ndër paraqitjet më të dobëta të ekipit ndonjëherë. Më vjen keq personalisht nga tifozët dhe sponsorët. U kemi tërhequr vërejtjen fajtorëve të humbjes dhe në ndeshjen e radhës Trepçës do të jetë një Besë krejt ndryshe, më pozitive” ka thënë në një pronocim për Borozani.com kreu i këtij klubi Arbër Elshani.
Besa këtë stinor ende nuk ka përjetuar fitoren në Superligë, ndërsa në xhiron e fundit ka pësuar debakël ndaj kampiones, Sigal Prishtina.
Stinorin e shkuar Besa kishte arritur sukses të jashtëzakonshëm duke u kualifikuar për Final Four të Kupës së Kosovës.
