Kampioni në krizë! Humbja e tretë me radhë

Kampioni aktual i NBA-së, Cleveland Cavaliers, regjistroi humbjen e tretë radhazi në ndeshjen kundër Sacramento Kings sot, e cila shkoi në vazhdime dhe përfundoi me disfatën e Cavsit me rezultat 116-112.

LeBron James shënoi triple-double (24 pikë, 13 kërcime e 11 asistime) por kjo performancë e tij, nuk e ndali humbjen në “Quicken Loans Arena”.

Në anën tjetër, rolin kryesor në fitoren e Sacramentos e luajti DeMarcus Cousins i cili për një asistim nuk arriti shifrat triple-double (28 pikë, 11 kërcime e 9 asistime).

TABELA AKTUALE

Cleveland për herë të dytë në këtë stinor regjistroi 3 humbje radhazi. Kjo ishte disfata e 14 e stinorit krahas 30 fitoreve që i kanë. Megjithatë, ekipi gjendet në krye të Konferencës Lindore.