Dali, një hap para Eurobasketit

Ylli i basketbollit kosovar, Dardan Berisha, ka kaluar me sukses fazën e parë të përgatitjeve me Polonin para Eurobasket 2015. 

Nga 16 lojtarë sa kanë qenë të grumbulluar në fazën e parë stërvitore të Polonisë, tani kanë mbetur 13, ku është përfshirë edhe Dardan Berisha, i rikthyer në këtë reprezentacion. 

Në Eurobasket 2015 çdo reprezentacion duhet të regjistrojë 12 basketbollistë dhe një lojtar i radhës që do të largohet nga trajneri amerikan i Polonisë, Mike Tylor, do të kuptohet pas miqësoreve të radhës. 

Polonia do të garojë në Grupin A të Eurobasket 2015 derisa ndeshjet do t’i luaj në Montpellier të Francës, në grup me Rusinë, Bosnjën e Hercegovinën, Francën, Finlandën e Izraelin. 

Eurobasket 2015 do të mbahet në katër shtete, Kroaci, Francë, Gjermani dhe Letoni.