Dallimi i madh, vendos

Përkundër atmosferës fantastike në ndeshje, Trepça u mposht nga Sigal Prishtina e fuqishme në përballjen e mbrëmshme të Superligës. 

Në pyetjen e Supersportit pas ndeshjes se cilat janë arsyet e humbjes përkundër atmosferës së mirë, Neven Plantak, është përgjigjur me pyetje. 

”Çka mendoni ju? Cilat janë arsyet?,” ka thënë Plantak. 

Derisa gazetari i Supersportit ka thënë se ndoshta rosteri është arsyeja, Plantak ka vazhduar: 

“Ata janë ekip që kanë buxhet rreth 1 milionë euro, ndërsa ne jemi me buxhet të rreth 50 mijë eurove. Publiku nuk luan që ta sjellë fitoren,” për të shtuar, “ne do të përfundojmë në pozitën e katërt të klasifikimit këtë stinor, me një pozitë më lartë sesa ekipi që ka buxhet më të madh se tonin dhe është në vend të pestë,” vazhduar drejt zhveshtores. 

Trepça mbrëmë u rikthye ne “Minatori” pas 4 viteve. Skuadra e Sigal Prishtinës ka shënuar fitore të lehtë ndaj Trepçës mbrëmë.