KARAGAÇI
Foto: KB Peja/ Korniza
Peja ia merr fitoren nga dora Bashkimit
12 March, 2016 @21:06
Përballja e gjashtë në këtë stinor ndërmjet Pejës dhe Bashkimit, ka kaluar me shumë emocione dhe dramë të vërtetë në fund.
Pavarësisht epërsisë në të shumtën e kohës, skuadra e Bashkimit nuk ka arritur të largohet si i pamposhtur nga Karagaçi.
Në tre çerekët e para Bashkimi e kishte epërsinë në të shumtën e kohës, mirëpo gjithçka filloi të baraspeshojë në çerekun e katërt.
Peja e përmbysi disavantazhin e madje edhe kaloi në epërsi kur kishte mbetur edhe rreth 2 minuta lojë deri në fund.
Fituesi përcaktohet pas vazhdimeve
Por në momentet më kritike, kur rezultati ishte 80-78 për Pejën, përgjegjësinë mbi supe e morri amerikani i Bashkimit, Theron Bussey, i cili shënoi për dy pikë duke e çuar ndeshjen në vazhdime.
E në pesë minutat shtesë Peja u tregua më e vëmendshme, gjerësa u vërejt edhe mungesa e ndihmës nga banka rezerve te skuadra e Bashkimit, dhe në fund Peja iu gëzua fitores me rezultat 95-91.
Kjo është fitorja e pestë e Pejën në këtë stinor ndaj Bashkimit, përfshirë këtu edhe duelet në Ligën Ballkanike, ndërsa Bashkimi ka vetëm një fitore përballë pejanëve.
Statistikat ekipore
| Peja | Bashkimi | ||
| Çereku i parë | 18 | 26 | |
| Çereku i dytë | 20 | 20 | |
| Çereku i tretë | 20 | 22 | |
| Çereku i katërt | 22 | 12 | |
| Vazhdimi i parë | 15 | 11 | |
| Kërcime | 44 | 30 | |
| Asistime | 21 | 21 | |
| Bllokada | 4 | 0 | |
| Topa të vjedhur | 7 | 5 | |
| Topa të humbur | 16 | 16 | |
| Tentime për tre pikë | 13/40 | 15/33 | |
| Tentime nga loja | 32/71 | 34/71 | |
| Tentime nga gjuajtjet e lira | 18/24 | 8/8 |
Statistikat individuale te Peja
| 1 | Kevin Burwell | 33 pikë | 6 asistime | 3 kërcime |
| 2 | Alban Veseli | 19 pikë | 14 kërcime | 3 asistime |
| 3 | Ronald Davis | 13 pikë | 8 asistime | 6 kërcime |
| 4 | Fisnik Rugova | 13 pikë | 4 kërcime | 2 bllokada |
| 5 | Rron Grapci | 9 pikë | 2 kërcime | 1 top të vjedhur |
| 6 | Nenad Delic | 4 pikë | 6 kërcime | 4 asistime |
| 7 | Burim Zekiqi | 4 pikë | 2 topa të vjedhura | 1 bllokadë |
| 8 | Leonard Mekaj | 0 pikë | 2 kërcime | |
| 9 | Samir Zekiqi | 0 pikë | 1 kërcim |
Statistikat individuale te Bashkimi
| 1 | Theron Bussey | 24 pikë | 7 kërcime | 6 asistime |
| 2 | Rokas Uzas | 24 pikë | 7 kërcime | 1 asistim |
| 3 | Tay Waller | 17 pikë | 10 asistime | 5 kërcime |
| 4 | Granit Rugova | 11 pikë | 2 asistime | - |
| 5 | Andi Shehu | 9 pikë | 2 kërcime | - |
| 6 | Endrit Hysenagolli | 6 pikë | 4 kërcime | 1 asistim |
| 7 | Imer Tahiri | 0 pikë | 1 asistim | 1 top të vjedhur |
