TERMINET E XHIROS XVII
Derbi lokal hap xhiron me duele interesante
25 January, 2018 @19:11
Me fillim nga ora 19:00 nesër mbrëma në Pallatin e Rinisë dhe të Sporteve, Sigal Prishtina lidere e pamposhtur e Superligës, pret Kerasan Prishtinën, në ndeshjen hapëse të xhiros së XVII të Superligës.
Ky është dueli i vetëm që do të zhvillohet të premten në Superligë, ndërsa tre duelet tjera që pritet të jenë tejet të interesante do të luhen të shtunën.
Në ora 17:00 Rahoveci pret Bashkimin të shtunën në ndeshjen e parë të ditës. Ndërsa gjysmë ore më vonë nis në Minatori Trepça - Ylli, që pritet të jetë edhe më interesante.
E në ora 19:00 në luftë për mbijetesë luajnë dy ekipet pejane të Superligës, Borea - Peja.
