Diamant Shabani në bisedime me ekipin prizrenas

Njëri ndër basketbollistët më të dalluar të Istogut, Diamant Shabani, është në bisedime me ekipin prizrenas, New Basket.

TopSporti.com ka mësuar ekskluzivisht nga burime brenda klubit se skuadra është duke shqyrtuar mundësinë për arritje të marrëveshjes me lojtarin më të dalluar të Istogut dhe se bisedimet janë duke vazhduar.

Kujtojmë në stinorin e kaluar New Basket për pak humbi mundësinë për të qenë pjesë e PlayOffit të Ligës së Parë dhe këtë sezon po mëton fuqishëm që të arrijë TOP 4 në Ligë të Parë për të shikuar mundësinë për Superligë.

Ndërsa Istogu në stinorin e kaluar humbi në finale të PlayOffit të Ligës së Parë dhe kështu nuk arriti që në fund të sigurojë statusin e ekipit elitar të basketbollit në Kosovë.